Shkolla e MagjistraturësShkolla e Magjistraturës, më datë 29-30 maj 2025, zhvilloi aktivitetin trajnues me temë: “Kontabiliteti dhe Raportimi Financiar për Magjistratët”, pranë ambienteve të Shkollës së Magjistraturës, në Tiranë.
Ky aktivitet u drejtua nga:
Ekspertë: Artan Xhiani dhe Neritan Sota
Lehtësuese: Elvana Çiçolli
Qëllimi i këtij trajnimi është: Të forcojë aftësitë e pjesëmarrësve me njohuri praktike mbi kontabilitetin dhe pasqyrat financiare, me qëllim përmirësimin e aftësisë për të interpretuar provat financiare dhe për të ndërvepruar në mënyrë efektive me ekspertin në çështjet gjyqësore.
Trajnimi u realizua duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve.
Gjatë këtij aktiviteti trajnues u trajtuan tema të ndryshme, si:
- Kuptimi i pasqyrave financiare. Parimet bazë të kontabilitetit dhe regjistrimeve kontabël;
- Identifikimi i problematikave lidhur me raportimin financiar;
- Roli i ekspertit dhe kontributi ne zgjidhjen e çështjeve gjyqësore;
- Kuadri fiskal dhe ndikimi në kontabilitet dhe raportim financiar;
- Dokumentacioni tatimor si provë në çështje gjyqësore;
- Veçoritë dhe rëndësia e transaksioneve me kapitalin dhe pronën;
- Vështrim i sektorit financiare: transaksionet me bankat, kreditë, garancitë dhe rreziqet;
- Trajtimi i çështjeve ne fokus përmes rasteve konkrete gjyqësore.
Në këtë aktivitet trajnues morën pjesë gjyqtarë dhe prokurorë të Republikës së Shqipërisë.
